Grótta í mars 2017 – Æfingar

Oft hef ég staðið fyrir “marsátaki” fyrir sjálfan mig og aðra í Kayakklúbbnum til að ná upp þreki og færni fyrir sumartímann, eftir að hafa dottið úr þjáfun yfir vetrartímann. Nú er átakið nokkrir æfingadagar við Gróttu, þegar alda úr hafi er um eða yfir 1 metri á hæð.

Fyrir þá sem taka þátt eru þetta æfingar í færni á stigi, sem Bretar kalla BC 3 Star en veður og ölduhæð kann að vera meiri í þessum æfingum.  Fyrir mig sem kennara eða þjálfara fyrir sjókajak snýst dæmið um að æfa kennslu við skilyrði sem þeir kalla MW (moderate water), gera kennsluáætlun og skýrslu um hvern tíma og skrifa eitthvað um nemendurna. Eftir það ætla ég í MW-kennslupróf.

Þetta verðu örugglega skemmtilegt og hægt að fá meir þjálfun og reynslu og læra ýmislegt nýtt með góðri aðstoð lengra kominna félaga sem hafa einnig gott af því að leiðbeina. Fyrir alla verður þetta vonandi það sem nefnr er ‘win win’ í viðskiptalífinu.

Þó að þetta tengist Kajakskólanum þá má telja þetta hluta af starfi Kayakklúbbsins. Æfingarnar eru kynntar á vefsíðu klúbbsins og allir félagar eru velkomnir án endurgjalds. Reyndir félagar eru svo til stuðnings. Um er að ræða æfingar en ekki formlegt námskeið og engin vottorð.

Gísli H. F.

 

Category: Vefsíðan  og  Tag: framsetning

Póstur-2: Spjall á bloggsíðu

Þessi bloggsíða er ein af síðum vefsíðunnar og er ekki á forsíðu það er “heima”-síðu. Spurningin er svo hvernig bloggið tengist efni á vefsíðunnar  og hvernig það á eftir að nýtast. Trúlega er ekki mikil þörf fyrir það, meðan menn geta notað fésbókina.

Það er hægt að gefa samstarfsmönnum skrifaðgang, en allir geta svarað póstum með athugasemdum. Síðustjóri ræður svo hvort hann ritskoðar athugasemdir, hægt er að stilla bloggsíðuna þannig að ekkert birtist fyrr en hann hefur samþykkt efnið.